Режим отображения
A A A
Размер текста
A- A A+
Экранный диктор
Включить / Отключить
Войти
Информационно - библиотечный центр «Bilim» города Ташкента
Баннеры в шапке сайта 2
Баннеры в шапке сайта 3
Баннеры в шапке сайта 4
Баннеры в шапке сайта 1

Davlatning eng muhim hujjati

Davlatning eng muhim hujjati

2018 yil 6 dekabr kuni «Bilim» axborot-kutubxona markazida foydalanuvchilarning huquqiy savodxonligini oshirish, mamlakatimizning asosiy qonuni - Konstitutsiya, shuningdek, huquqiy asarlarni targ'ib qilish, O'zbekiston Respublikasi Konstitutsiyasi qabul qilingan kunini nishonlash maqsadida «Davlatning eng muhim hujjati» mavzusida ko'rgazma va bibliografik obzor tashkil etildi. Bibliografik оbzor davomida kutubxona mutaxassisi foydalanuvchilarni ko'rgazmada taqdim etilgan Konstitutsiyamizning eng muhim qoidalarini aks ettiruvchi hujjatlar bilan tanishtirdi. Undan tashqari davlatimiz va Konstitutsiyamizni tarixi, qonunga oid sharhlarni va foydalanuvchilarning barcha ijtimoiy toifalari uchun qiziqish uyg'otadigan turli xil qonunchilik nashrlari ma’lumot berdi.

Buni hamma bilishi zarur!

Buni hamma bilishi zarur!

2018 yil 5 dekabr kuni Toshkent shahar axborot-kutubxona markazi va Toshkent shahar OITSga qarshi kurashish markazi mutaxassislari bilan hamkorlikda Chilonzor tumani 183-sonli umumtalim maktabning 9-11 sinf o'quvchilari uchun «1-dekabr Вutunjahon OITSga qarshi kurashish kuni» munosabati bilan «Buni hamma bilishi zarur mavzusida davra suhbati bo’lib o'tdi. Tadbirda «Bilim» axborot-kutubxona markazi tomonidan «Ogoh bo'ling! OIV/OITSdan saqlaning!» deb nomlangan mavzuli adabiyotlar ko'rgazmasi tashkil qilindi va kutubxona mutaxassisi taqdim etilgan adabiyotlar boyicha bibliografik obzor otkazdi. Tadbirni 183-sonli maktab psixologi ochib berdi. U oz nutqida ushbu kunda butun dunyoda OITS haqida, bu global epidemiya odamzodning mavjud bolishiga qanday taqdid solishi haqida gapiriladi. Shunigdek, u OIV infeksiyasiga qarshi qurashda keng kolamli profilaktika va axborot ishlarini tashkil qilish muhim vazifa ekanligini takidlab otdi. Toshkent shahar OITSga qarshi kurashish markazi mutaxassisi R. M.Yakubov so'zga chiqib: «OIV - inson immunitet tanqisligi virusi» mavzusida o’quvchilarga so’zlab berdi. Tadbir davomida «Bilim» AKM mutaxassislari tomonidan tayorlangan «Ogoh bo’ling, OITS» multimediya mahsuloti namoyish etildi. Shuningdek, o'quvchilarning daslabki OIV kasallik belgilari haqida bergan savollariga to'liq javob berib, OIV/OITS kasallik haqidagi eslatmalarni tarqatdi.

 

Toshkent shahar OITSga qarshi kurashish markazi mutaxassisi R.M.Yakubov so'zga chiqib: «OIV - inson immunitet tanqisligi virusi» mavzusida o’quvchilarga so’zlab berdi. Shuningdek, o'quvchilarning daslabki OIV kasallik belgilari haqida bergan savollariga to'liq javob berib, OIV/OITS kasallik haqidagi bukletlarni tarqatdi. Tadbir yakunida AKM bosh kutubxonachisi M.Inoyatova kutubxonada mavjud ushbu mavzuga oid adabiyotlar haqida ma’lumot berdi.

Yoshlarni kitobga bo’lgan mexri

Yoshlarni kitobga bo’lgan mexri

2018 yil 1 dekabr kuni Toshkent shahar «Bilim» axborot-kutubxona markazi mutaxassisi tomonidan, Milliy gvardiya qoshidagi Respublika iqtisoslashtirilgan musiqa va san’at akademik litseyining 2-kurs talabalari uchun «Bilim» AKM bo'ylab sayoxat uyushtirildi. Shuningdek, bosh kutubxonachi M.Inoyatova kutubxona fondi va a'zo bo'lish tartibini tushuntirdi, AKM muzeyi haqida ma’lumot berdi hamda o'quv va elektron zallaridan foydalanish uchun barcha sharoitlar yaratilganligi haqida ta`kidladi. O'quvchilar ularga berilgan imkoniyatlardan unumli foydalanib, o’zlari yoqtirgan adabiyotlarni katta qiziqish bilan mutolaa qildilar.  Kutubxonaga a’zo bo’lish istagini bildirgan va kerakli hujjatlarni taqdim etgan yosh kitobxonlar AKMga a’zo bo’ldilar.

Yangi g’oyalar - yangi imkoniyatlar kalitidir

Yangi g’oyalar - yangi imkoniyatlar kalitidir

2018 yil 26-29 noyabr kunlari «Bilim» axborot- kutubxona markazida «Jamoat joylarda QR-kodlar yordamida Toshkent shahar «Bilim» axborot-kutubxona markazi to’g’risidagi ma’lumotlarni joylashtirish va ularni mobil qurilmalarga yuklab olish va o’qish imkoniyatini yaratish» to’g’risidagi chora-tadbirlar rejasida berilgan vazifalarga asosan, jamoat joylarda, avtobus va metro bekatlarida, ta’lim muassasalarida, yirik savdo do’konlarida axborot-kutubxona markazining elektron kitoblarini mobil qurilmalarga joylashtirish va yuklab olish bo’yicha targ’ibot-tashviqot tadbirlari bo’lib o’tdi. Toshkent shahri aholisi bunday kutubxona xizmatlarining yangicha usullarini joriy qilinganligi kelajakda vaqtni tejagan holda kitob mutolaasi uchun noan’anaviy imkoniyatlar yaratilganligi haqida o’z ijobiy fikrlarini bildirishdi. Tadbirda shahrimiz aholisi faol qatnashib, bu loyihani amalga oshirayotgan kutubxona xodimlariga o’z minnatdorchiligini bildirdilar.

Mutolaa- tafakkur charxi

Mutolaa- tafakkur charxi
2018 yil 26 noyabr kuni «Bilim» axborot- kutubxona markazida O'zbekiston Respublikasi Prezidenti Sh.Mirziyoevning 2017 yil 13 sentyabr qarorining ijrosini ta'minlash maqsadida “Eng faol kitobxon” ko'rik-tanlovi bo'lib o'tdi. Tanlovning maqsadi kitob va kitob mutolaasini oshirish, kitobxonlik madaniyatini tarbiyalash, yosh avlodning kitobxonlik faoliyatini oshirish va rag'batlantirish, oilaviy kitob o'qilishini tashkil etishdan iborat. Tadbirda AKM mutaxassislari, kutubxonaning faol kitobxonlari, “Navbahor” mahallasining faollari, shuningdek O'zbekiston Milliy Gvardiyasi qoshidagi Respublika ixtisoslashtirilgan musiqa litseyi o'quvchilari ishtirok etdilar. Tadbir boshida so'z «Bilim» AKM direktori H.Q.Karimovaga berildi. Direktor o'z nutqida faol kitobxonlarni kitobxonlik bayrami bilan tabriklab, bunday ko'rik-tanlovlarni o'tkazish inson, ayniqsa yosh avlodning ma'naviyatini rivojlantirishda muhimligini ta'kidlab o'tdilar.
Tadbir davomida o'zbek mualliflari O'.Hoshimov,E.Vohidov va T.Malik asarlaridan parchalar o'qildi. So'ngra uchta nominatsiya bo'yicha «Yilning eng faol kitobxoni», «Yilning eng ko'p o'qilgan kitobi», «Yilning eng ko'p o'qilgan muallifi» bo'yicha natijalar e'lon qilindi. Eng faol kitobxonlardan Xamdamov D.,Talipova E., Karimov T. lar yil davomida kitob va vaqtli matbuot nashrlarini eng ko'p o'qigan, «Bilim» AKMda o'tkaziladigan ommaviy tadbirlar, adabiy kechalar, viktorinalar, davra suxbatlarining faol qatnashchilari deb topildi.
«Yilning eng ko'p o'qilgan kitobi», «Yilning eng ko'p o'qilgan muallifi» nominatsiyasida O'tkir Hoshimovning “Dunyoning ishlari” kitobi g'olib bo'lib, bu nominatsiyaning g'oliblari Akbarov N., Nuriddinov U., Ishquvatov S.lar deb topildi. Ular o'qigan kitobini hikoya qilib berishda, salbiy va ijobiy qahramonlar obrazini ochib berishda o'z adabiy mahoratlarini namoyon qildilar. Shuningdek, quyidagi asarni yosh avlod tarbiyasida ma'naviy manba bo'lib hizmat qilishini ta'kidlab o'tdilar. Barcha nominatsiya g'oliblariga «Bilim» AKM rahbariyati tomonidan diplomlar taqdim etildi.

O'zbekistonda ilk marotaba eng samarali faoliyat ko'rsatayotgan olimlar taqdirlandi

O'zbekistonda ilk marotaba eng samarali faoliyat ko'rsatayotgan olimlar taqdirlandi
Toshkent davlat iqtisodiyot universitetida "Scopus" ilmiy-tahliliy ma'lumotlar bazasi versiyasi bo'yicha eng samarali faoliyat ko'rsatayotgan olimlarni tantanali taqdirlash marosimi bo'lib o'tdi. Unda taqdirlangan Shahlo Turdiqulova O'zbekistonda aholi genetikasining populyatsiyasi bo'yicha tadqiqotlar olib borgan. Uning bir qancha maqolalari "Scopus" ilmiy-tahliliy ma'lumotlar bazasiga joylangan bo'lib, maqolaga eng ko'p iqtibos keltirilganligi olimaning mazkur mukofotni qo'lga kiritishiga turtki bo'lgan. Shuningdek, olimaning o'zbek genetikasi mavzusiga bag'ishlangan ikki maqolasi jahonda tan olingan “Nature” jurnalida chop etilgan. Olimaning aytishicha, uning o'zbek genetikasi ustida olib borgan tadqiqotlari ayni damda meditsina sohasi uchun ham juda ahamiyatli hisoblanadi. Tadqiqotda aniqlanishicha, O'zbekiston aholisi oshqozon-ichak kasalliklariga moyilroq bo'lib, bizda o't-pufak hamda yurak-qon tomir kasalliklari ham ko'p uchraydi. Ayni paytda O'zbekiston aholisining dori preparatlarga genetik jihatdan moyilligi o'rganilmoq.

Ijtimoiy islohotlar xalqimiz farovonligiga xizmat qiladi

Ijtimoiy islohotlar xalqimiz farovonligiga xizmat qiladi

2018 qil 17 noyabr kuni “Bilim” AKMda O’zbekiston Xalq demokratik partiyasi Markaziy va Toshkent shahar kengashlari hamda kutubxona hamkorligida “Keksalarni ijtimoiy himoyalashda pensiya tizimining roli” mavzusidagi davra suhbati bo’lib o’tdi. Tadbirda O'zbekiston XDP Markaziy va Toshkent shahar kengashi mas'ul xodimlari, Markaziy, Toshkent shahar va Toshkent viloyat kengashlari qoshidagi “Faxriylar klubi” a'zolari, Oliy Majlis Qonunchilik palatasidagi partiya fraktsiyasi a'zolari, “Nuroniy” jamg'armasi xodimlari, O'zbekiston Respublikasi Moliya vazirligihuzuridagi byudjetdan tashqari Pensiya jamg'armasi mutaxassislari, xalq deputatlari mahalliy Kengashlaridagi deputatlari hamda OAV vakillari ishtirok etdilar.
Davra suhbatida “Keksalar manfaatlarini ijtimoiy himoya qilishning moliya – kredit mexanizmlari” mavzisida OzXDP MK “Faxriylar klubi” raisi, Toshkent Moliya instituti professori SH.Abdullaeva, “Davlat pensiya ta’minoti tizimini isloh etish konsepsiyasi” mavzusida O’zbekiston Respublikasi Moliya vazirligi huzurigagi Byudjetdan tashqari Pensiya jamg’armasi ijro etuvchi apparati bo’lim boshlig’I SH.O’taganovlar ma’ruza qildilar. Shuningdek, pensiya ta'minoti borasida olib borilayotgan islohotlarni aholining keng qatlamlariga targ'ib qilish haqida so’z yuritildi. Ishtirokchilar o’zlarini qiziqtirgan savollariga javoblar olishdi.

Faxrimiz va g’ururimiz

Faxrimiz va g’ururimiz

2018 yil 15 noyabr kuni Toshkent shahar «Bilim» axborot-kutubxona markazida yosh avlodni vatanparvarlik ruhida tarbiyalash maqsadida 18-noyabr - O'zbekiston Respublikasi Davlat bayrog'i tasdiqlangan kun munosabati bilan «Faxrimiz va g’ururimiz» nomli ko'rgazma tashkil etildi. AKM foydalanuvchilari uchun ko'rgazmadan o'rin olgan adabiyotlarga axborot - bibliografiya bo'limi mutaxassisi bibliografik sharh berdi. Shuningdek, «Bilim» axborot-kutubxona markazi xodimlari uchun mavzu yuzasidan ma’naviy-ma’rifiy soat bo'lib o'tdi.

Toshkentda faol va fidoyi kutubxonachilar taqdirlandi

Toshkentda faol va fidoyi kutubxonachilar taqdirlandi

Toshkentdagi Respublika Markaziy ko‘zi ojizlar kutubxonasida “Yilning eng faol kutubxonachisi“ respublika ko‘rik-tanlovining yakuniy bosqichi bo‘lib o‘tdi.

Ushbu ma’rifiy-ijodiy loyihaning asosiy maqsadi kitobxonlik madaniyatini yanada yuksaltirish, bu boradagi targ‘ibot ishlarini kuchaytirish, sohaga doir chora-tadbirlarni tizimli, samarali amalga oshirish, axborot-kutubxonachilik bo‘yicha fidokorona mehnat qilayotgan xodimlarni aniqlash va ularning ijobiy ish tajribasini ommalashtirishdan iborat.

Mazkur tanlov axborot-kutubxona xodimlarining ijtimoiy mavqeini yuksaltirish, ko‘zi ojizlar kutubxonalari xodimlarini rag‘batlantirish, ularning kasbiy mahoratini oshirish, alohida ehtiyojli fuqarolarga axborot-kutubxona xizmatini ko‘rsatishda innovatsion texnologiyalarni kengroq qo‘llashga xizmat qiladi.

Tanlovda O‘zbekistonning turli hududlaridagi ko‘zi ojizlar kutubxonalarining xodimlari ishtirok etdi.

Tanlov natijalariga ko‘ra, Farg‘ona viloyati vakili Mirolim Marahimov birinchi o‘ringa munosib topildi. Jizzaxlik Hayitgul Ismatova ikkinchi o‘ringa sazovor bo‘ldi. Uchinchi o‘rin buxorolik kutubxonachi Bobur Rajabovga nasib etdi.

G‘olib va sovrindorlar diplom, esdalik sovg‘alari bilan taqdirlandi.

«Bilim» AKM bo'ylab sayohat

«Bilim» AKM bo'ylab sayohat

Yosh avlodni kitobga bo'lgan mehrini oshirish hamda kuzgi ta'tilni maroqli va foydali o'tkazish maqsadida, 2018 yil 9 noyabr kuni Toshkent shahar «Bilim» axborot-kutubxona markazi va 179-sonli umumta'lim  maktabi bilan hamkorlikda AKM bo'ylab sayoxat uyushtirildi. Sinf rahbari A. To'laganova va yoshlar ittifoqi yetakchisi H. Qurbonovalar boshchiligida 3-«A» sinf o'quvchilari hamda ota-onalarga AKM mutaxassisi Sh. Atajanova kutubxona fondi va a'zo bo'lish tartibi haqida ma'lumot berdi. Shuningdek, bosh kutubxonachi M. Inoyatova o'quv zali, elektron zalida foydalanuvchilar uchun yaratilgan sharoitlar, hamda AKM muzeyi haqida gapirib berdi. Yosh kitobxonlar qiziqqan risolalarni, adabiyotlarni   mutolaa qildilar va kutubxonaga a’zo bo’ldilar.

Последние поступления
Реклама 1
Реклама 2
Реклама 3
Заведения
Баннер реклама 1
Баннер реклама 2