Режим отображения
A A A
Размер текста
A- A A+
Экранный диктор
Включить / Отключить
Войти
Информационно - библиотечный центр «Bilim» города Ташкента
Баннеры в шапке сайта 2
Баннеры в шапке сайта 3
Баннеры в шапке сайта 4
Баннеры в шапке сайта 1

Mening kasbim-mening faxrim!

Mening kasbim-mening faxrim!

2018 yil 8 avgust kuni O’zbekiston Davlat jahon tillari universiteti аxborot-resurs markazida  Toshkent shahar oliy ta’limi tizimidagi axborot-kutubxona muassasalari mutaxassislari o’rtasida «Axborot-kutubxona muassasasining eng yaxshi mutaxassisi» Respublika tanlovining 2-bosqichi bo’lib o’tdi.  Tanlovda oliy ta’limi axborot kutubxona muassasalarining mutaxassislari ishtirok etdilar. Ko‘rik-tanlov 3 ta tur bo‘yicha o‘tkazilib, unda mutaxassislar axborot-kutubxona faoliyatining asosiy yo’nalishlari bo‘yicha qisqa va aniq ma’lumot berishlari talab etildi. 1-tur:  Taqdimot (uy vazifa), 2-tur: Testlar (50 ta topshiriq), 3-tur: Ishtirokchilarning o’zbek va jahon klassik adabiyotlarini bilish mahoratini aniqlash.

Hakamlar hay’ati tomonidan ishtirokchilarning chiqishlari baholanib, 1-o‘rinni  O’zbekiston Davlat jahon tillari universiteti аxborot-resurs markazi hodimi Sardor To’htayev,  2-o‘rinni Toshkent Pediatriya tibbiyot instituti ARM mutaxassisi Nargiza G’ofurbekova, 3-o‘rinni  O’zbekistin milliy universiteti ARM yetakchi mutaxassisi Sevara Mahmudovalar munosib deb topildi. 1-o‘rinni egallagan O’zbekiston Davlat jahon tillari universiteti аxborot-resurs markazi hodimi Sardor To’htayev  “Axborot kutubxona muassasasining eng yaxshi mutaxassisi” Respublika ko’rik tanlovining 3-bosqichiga yo’llanma oldi.

«Axborot-kutubxona muassasasining eng yaxshi mutaxassisi - 2018» Respublika tanlovining 2-bosqichi

«Axborot-kutubxona muassasasining eng yaxshi mutaxassisi - 2018» Respublika tanlovining 2-bosqichi

Respublikada axborot-kutubxona tizimi faoliyatini muvofiqlashtirish bo‘yicha Idoralararo Kengashining rejasiga muvofiq 2018 yil 7 avgust kuni «Bilim» аxborot-kutubxona markazida  Toshkent shahridagi Xalq ta’limi va o’rta-maxsus kasb-hunar ta’limi tizimidagi axborot-kutubxona muassasasi mutaxassislari o’rtasida «Axborot-kutubxona muassasasining eng yaxshi mutaxassisi» Respublika tanlovining 2-bosqichi bo’lib o’tdi.  Tanlovda Xalq ta’limi va o’rta-maxsus kasb-hunar ta’limi axborot kutubxona muassasalarining mutaxassislari, ya’ni birinchi bosqichda g‘oliblikni qo‘lga kiritgan, o‘z kasbining fidoyisi deb topilgan mutaxassislari ishtirok etdilar. Tanlov barcha mezonlarga to‘liq amal qilgan holda, jiddiy tayyorgarliklar asosida o‘tkazildi. Ko‘rik-tanlovda ishtirokchilar chiqishlarini baholash uchun kutubxonachilik soxasining tajribali mutaxassislari hakamlik qildilar. Ular: Toshkent shahar «Bilim» AKM direktori X. Q. Karimova, A. Navoiy nomidagi Milliy kutubxona bosh mutaxassisi  G. Komilova,  Uchtepa tumani ARM rahbari Turejonova Sh. Ko‘rik-tanlov 3 ta tur bo‘yicha o‘tkazilib, unda mutaxassislar axborot-kutubxona faoliyatining asosiy yo’nalishlari bo‘yicha qisqa va aniq ma’lumot berishlari talab etildi. 1-tur:  Taqdimot (uy vazifa),  2-tur: Testlar (50 ta topshiriq), 3-tur: Ishtirokchilarning o’zbek va jahon klassik adabiyotlarini bilish mahoratini aniqlash. Ishtirokchilar o’zlarini  tanishtirib, o‘z mutahassislik faoliyatlari haqida qiziqarli ma’lumot berdilar.Talabchan hakamlar hay’ati tomonidan ishtirokchilarning chiqishlari baholanib, 1-o‘rinni, Respublika markaziy ko‘zi ojizlar kutubxonasi bosh mutaxassisi Axmedova Xilola; 2-o‘rinni, Toshkent shahar «Bilim» axborot-kutubxona markazi axborot-bibliografiya bo‘limi yetakchi mutaxassisi Xodjiakbarova Madina; 3-o‘rinni, Olmazor tumani 191-maktab kutubxonachisi Zaripova Shirin, 4-o’rinni,  Toshkent tibbiyot kolleji ARM yetakchi mutaxassisi Ibragimova Nargizalar egalladi. Ushbu o‘rinlarni egallagan barcha ishtirokchilar “Axborot kutubxona muassasasining eng yaxshi mutaxassisi” Respublika ko’rik tanlovining 3-bosqichida qatnashish sharafiga muyassar bo‘lishdi.

Badiiy adabiyot - ziyo izlagan qalblarga qanot.

Badiiy adabiyot - ziyo izlagan qalblarga qanot.

2018 yil 6 avgust  kuni «Bilim» AKM ning foydalanuvchilarga xizmat ko’rsatish bo’limi xodimlari Sh. Atadjanova va D.Raximbabayeva hamda Toshkent shahar Chilonzor tumani «Navbahor» MFY ning «Oiladagi ma’naviy axloq va qadriyatlarni mustaxkamlash» bo’limi mutaxassisi K.Butayevalar ishtirokida,  aholini kitob o’qish madaniyatini yuksaltirish maqsadida, Chilonzor S-kvartal 1-a uy 100-xonada yashovchi nogiron Otaxonova Moxigul xonadoniga tashrif buyurishdi. Xonadonda «Badiiy adabiyot-ziyo izlagan qalblarga qanot» nomli ko’rgazma tashkil etildi. Kitobxonni yangi badiiy adabiyotlar bilan tanishtirib, kutubxona xaqida umumiy tushunchalar berildi xamda Otaxonovani kutubxonaga a’zo qilindi. Suxbat so’ngida Otaxonovaga kutubxona nomidan she’riy kitoblardan iborat esdalik sovg’a taqdim etildi.

«Buyuk qozoq shoiri va mutafakkiri Abay Qo’nonboyev.

«Buyuk qozoq shoiri va mutafakkiri  Abay Qo’nonboyev.

2018 yil 3 avgust kuni  «Bilim» аxborot-kutubxona markazining qoshidagi ilmiy-texnikaviy adabiyotlar  elektron kutubxonasi zalida kitobxonlar uchun  O'zbekiston Respublikasi Prezidenti SH.  Mirziyoyevning «Buyuk qozoq shoiri va mutafakkiri  Abay  Qo’nonboyevning ijodiy merosini  keng  o'rganish va targ'ib qilish to'g'risida» gi 2018 yil 13 martdagi qaroriga binoan Abayning  asarlari bilan tanishish maqsadida «Saylanma» asari taqdimoti bo’lib o’tdi. Bunda AKM bosh kutubхonachisi M. Inoyatova shoirning ushbu asarini yaratilishi va unda nima haqida so’z borishini aytib o’tdi. Asar haqida namoyish qilingan taqdimotni kitobxonlar qiziqish bilan tingladilar. Xulosa qilib shuni aytish mumkinki, kitobxonlarda nafaqat ushbu asarga balki shoirning ijodiga ham katta qiziqish uyg’ondi va taqdimot yakunida kitobxonlar shoirning ijodi bilan yaqinroqdan tanishishga istak bildirdilar.

Kasbga baxshida umr.

Kasbga baxshida umr.

2018 yil 1 avgust kuni «Bilim» axborot-kutubxona markazida axborot va  kutubxona hujjatlarini saqlash bo’limi mudiri T. I. Xabibulinaning nafaqaga ketishi munosabati bilan tantanali hayrlashuv marosimi bo’lib o’tdi. «Bilim»  AKM direktori H. Q. Karimova  o’z  nutqida  Xabibulinaning kutubxonamiz va O’zbekistonning kutubxonachilik ishini  rivoji uchun qo’shgan hissasini alohida ta’kidlab o’tdi, shuningdek Toshkent shahar xokimi tomonidan taqdim qilingan  "Faxriy yorliq"ni topshirdi. So’ngra, kutubxona xodimlari o’zlarining samimiy tilaklarini aytib o’tdilar va  ish jarayonida amaliy yordami  uchun  Tatyana Igorevnaga o’z minnatdorchiligini  bildirdilar. Tadbir so’ngida  «Bilim» AKM direktori   T. I. Xabibulinaga butun  jamoa nomidan esdalik sovg’alarni  topshirdi.

«Bir soatdan oilaviy kitob o`qish» aksiyasi davom etmoqda

«Bir soatdan oilaviy kitob o`qish» aksiyasi davom etmoqda

«Bilim» axborot-kutubxona markazining foydalanuvchilarga xizmat ko'rsatish bo'limi mutaxassislari tomonidan «Ko’chma kutubxona» loyihasi doirasida «Bir soatdan oilaviy kitob o`qish» aksiyasi davom etmoqda. 2018 yil 30 iyulda ushbu aksiya Chilonzor tumani «Navbaxor» mahallasi S mavzeyning 14 uy 6 xonadonda istiqomat qiluvchi Holmatovalar oilasida o’tkazildi. Ushbu xonadon egalari uchun "Mening sevimli kitobim" nomli badiiy adabiyotlar hamda Chingiz Aytmatovning 90 yilligiga bag'ishlab  «Chingiz Aytmatov - buyuk adib va jamoat arbobi» mavzusida ko'rgazma uyushtirildi. Asosan ko'rgazmadan  o'rin olgan bolalar adabiyotlari, ertak kitoblar, sarguzashtga boy asarlar shu qatorda yozuvchning «Oxirzamon nishonalari», «Yuzma yuz», «Qiyomat» kabi boshqa asarlari targ'ib etildi. Turli-tuman qiziqarli badiiy adabiyotlarni ko'rgan Nigorahonning farzandlari Sevilya va Marsellar kutubxonaga a'zo bo'lish istagini bildirdilar va o'zlariga yoqqan kitoblarni tanladilar.

Adib Chingiz Aytmatovning sarlariga qiziqqan xonadon bekasi  Holmatova Nigora «Oxirzamon nishonalari» asarini mutolaa qilish uchun tanlar ekan unga AKM xodimlari tomonidan tayorlangan Chingiz Aytmatovning asarlari haqidagi eslatma va buklet ham  berildi. Holmatovlar oilasi AKMga a'zo qilinib, tanlagan adabiyotlar bir-necha kunga berildi.

“Milliy umumta’lim elektron kutubxona” loyihasini amalga oshirish va respublikamizda elektron axborot-kutubxona tizimini rivojlantirish istiqbollari” mavzusida davra suhbati

“Milliy umumta’lim elektron kutubxona” loyihasini amalga oshirish va respublikamizda elektron axborot-kutubxona tizimini rivojlantirish istiqbollari” mavzusida davra suhbati

O‘zbekiston Matbuot va axborot agentligining Alisher Navoiy nomidagi O‘zbekiston Milliy kutubxonasida “Milliy umumta’lim elektron kutubxona” loyihasini amalga oshirish va respublikamizda elektron  axborot-kutubxona  tizimini rivojlantirish istiqbollari” mavzusida davra suhbati bo‘lib o‘tdi.

Tadbirda Alisher Navoiy nomidagi O‘zbekiston Milliy kutubxonasi xodimlari, Qoraqalpog‘iston Respublikasi hamda viloyatlar axborot-kutubxona markazlari xodimlari Xususan, Toshkent shaxar "BILIM" AKM direktori Karimova Xafiza Kuldashovna ishtirok etdilar. Unda mutaxassislar uchun yaqinda Janubiy Koreya Respublikasida shu soha bo‘yicha malaka oshirib qaytgan kutubxonachilar hamda xorijlik mutaxassislar elektron turdagi axborot-kutubxona resurslarini ko‘paytirish va ulardan internet tarmog‘i orqali foydalanish bo‘yicha zarur tavsiyalarini berdilar.

         Tadbirda O‘zbekiston Matbuot va axborot agentligi Bosh direktori L.Tangriev, Alisher Navoiy nomidagi O‘zbekiston Milliy kutubxonasi direktori A.Abduazizov, O‘zbekiston Milliy kutubxonasi direktor o‘rinbosari U.Teshabaeva, Milliy umumta’lim elektron kutubxona loyixa menedjeri Tomas Kimlar so‘zga chiqdilar.

O‘zbekiston Matbuot va axborot agentligi Bosh direktori L.Tangriev so‘zga chiqar ekan, milliy umumta’lim elektron kutubxona loyihasini amalga oshirishdan ko‘zlangan asosiy maqsad axborot-kutubxona tizimini yanada rivojlantirish, aholiga axborot-kutubxona xizmati ko‘rsatish sifatini yuksaltirish ekanini alohida qayd etdi. “O‘zbekiston Respublikasi Prezidenti Shavkat Mirziyoev Yadro fizikasi institutida olimlar bilan bo‘lgan uchrashuvda ilm-fanni rivojlantirish, ilmiy ishlanmalarni ishlab chiqarishga keng joriy etish, mamlakatning taraqqiy ettirishning muhim yo‘nalishlaridan biridir deya alohida ta’kidladilar. Bu o‘ta dolzarb va muhim masala yuzasidan mutasaddi tashkilotlarga, O‘zbekiston Respublikasi Fanlar Akademiyasiga zarur topshiriqlarni berdilar.

Albatta har qanday ilm-fan rivojlanishida kitobning, kitobga maskan bo‘lgan kutubxonaning o‘rni beqiyos. Olimlarning ilmiy izlanishlar olib borishi, zarur axborot va ma’lumotlar olishi uchun bugungi zamonaviy kutubxonalarda barcha sharoitlar muhayyo etilgan bo‘lishi kerak.

 Janubiy Koreya tajribasi asosida tashkil etilayotgan milliy elektron kutubxona mamlakatimizda ilm-fanni rivojlantirishda olimlarga ularning tadqiqotlar olib borishida eng yaqin yordamchi bo‘lishi zarur. Ayniqsa, ular uchun tashkil etiladigan maxsus bo‘lim dunyodagi yetakchi ilmiy kutubxonalar bilan to‘g‘ridan-to‘g‘ri bog‘lanish, zarur manbalardan to‘siqsiz foydalanish imkonini berish kerak”  deb ta’kidladi.

Shuningdek davra suhbatida o‘z ma’ruzasi bilan O‘zbekiston Milliy kutubxonasi direktor o‘rinbosari U.Teshabaeva so‘zga chiqar ekan, u “Milliy umumta’lim elektron kutubxona” loyihasini texnik jihatdan ta’minlash ishlari Koreya Respublikasining LG CNS kompaniyasiga topshirilganligi, loyiha doirasida O‘zbekiston Milliy kutubxonasida  “Raqamlashtirish va skanerlash”, “Multimedia” markazlari tashkil etilayotganligi, bugungi kunda zarur texnik jihozlarni olib kelish va joylashtirish bilan bog‘liq  ishlar o‘z yakuniga yetayotganligi haqida gapirib o‘tdi. Xalqaro seminar-treningda ishtirok etishdan ko‘zlangan yana bir ustuvor maqsad “Milliy umumta’lim elektron kutubxona” loyihasi tizimini yaratish strategiyasi, ma’lumotlar bazasidan foydalanish imkoniyatlari, loyiha dizayni va ilg‘or tajribalarni o‘rganish, Janubiy Koreya Respublikasining kutubxonachiligiga doir me’yoriy-huquqiy hujjatlar bazasi bilan yaqindan tanishib, ilg‘or namunalarni mamlakatimiz kutubxonalari faoliyatini takomillashtirish jarayonida qo‘llash va kitobxonalarga xizmat ko‘rsatishning zamonaviy usullarini joriy etish kerakligini ta’kidladi.

Milliy umumta’lim elektron kutubxona loyixa menedjeri Tomas Kim hisobot ma’ruzasi bilan qatnashib, mazkur loyihaning mohiyati va ahamiyati, bugungi kunda loyiha doirasida olib borilayotgan ishlar haqida ma’lumot berib o‘tdi.

         Davra suhbatida ishtirok etgan AKM mutaxassislari o‘zlarini qiziqtirgan barcha savollarga javob oldilar va tadbir tashkilotchilarga o‘z minnatdorchiliklarini izhor etdilar.

TATU o‘qitishning kredit tizimiga o‘tdi.

TATU o‘qitishning kredit tizimiga o‘tdi.

Toshkent axborot texnologiyalari universiteti va uning filiallarida 2018−2019 o‘quv yilidan boshlab AKT sohasida kadrlar tayyorlash bo‘yicha o‘qitishning kredit tizimi joriy etildi. «Muhammad al-Xorazmiy nomidagi Toshkent axborot texnologiyalari universitetida kadrlar tayyorlash tizimini tubdan takomillashtirish va samaradorligini oshirish chora-tadbirlari to‘g‘risida"gi hukumat qarorida bu haqda so‘z boradi.

Bundan ko‘zlangan maqsad — o‘quv jarayoniga dunyo oliy o‘quv yurtlarida keng tarqalgan o‘qitishning kredit tizimini joriy qilish orqali universitetning jahondagi nufuzli oliy ta’lim muassasalari qatoriga kiritilishini ta’minlashdan iborat.

O‘qitishning kredit tizimida talabaning o‘zlashtirish darajasi ma’lum miqdordagi kreditlar summasini yig‘ishiga bog‘liq bo‘ladi.

Yig‘iladigan umumiy kreditlar talabaning darslardagi faol ishtiroki, muayyan o‘quv kursi davomida olingan test natijalari, ilmiy izlanishlar, og‘zaki va yozma imtihonlar, amaliyot natijalari asosida belgilanadi.

O‘qitishning kredit tizimining asosiy afzalliklari:

talaba ta’lim jarayoni davrida chet el o‘quv yurtlarida yoki o‘zga ta’lim yurtida tahsil olib, so‘ngra o‘qishni davom ettira olishi mumkin;
o‘quv jarayonida chet el o‘quv yurtlari va tashqi muassasalardan malakali mutaxassislar jalb etiladi;
chet el oliy ta’lim muassasalari amaliyotidan kelib chiqqan holda o‘quv dasturlarini ishlab chiqiladi;
talabalar istagidan kelib chiqqan holda fan tanlash imkoniyatiga ega bo‘ladi va hokazo.

Kitob dunyosiga sayoxat

Kitob dunyosiga sayoxat

2018 yil 26 iyul kuni Toshkent shahar «Bilim» axborot-kutubxona markazi mutaxassislari tomonidan Chilonzor tumani 195-sonli maktab qoshida tashkil etilgan «Boychechak» nomli yozgi sport-sog'lomlashtirish maydonchasida o'quvchilar ta'tilni maroqli va foydali o'tkazishlari uchun «Kitob dunyosiga sayoxat» nomli ko'chma kutubxona tashkil etildi. Ko'chma kutubxonadan o'rin olgan ertak kitoblar, bolalar badiiy adabiyotlari hamda sarguzashtga boy, tarbiyaviy ahamiyatga ega bo'lgan  asarlariga foydalanuvchilarga xizmat ko'rsatish bo'limi bosh kutubxonachi M.Inoyatova bibliografik sharh berdi. Bundan tashqari AKM hodimi D.Muminova o'quvchilar yozgi ta'tilda sevib o'qigan badiiy adabiyotlari haqida suhbatlashar ekan kutubxona fondidan o'rin olgan Po`lat Mo`min, Raim Farxodiy, Quddus Muhammadiy, Xudayberdi To`xtabayev asarlarini mutolaa qilishni tavsiya etdi.  Maktabning «Boychechak» nomli maydonchasida jajji kitobxonlarga kitob mutolaa qilish uchun barcha shart sharoitlar yaratildi, bolajonlar qiziqish va ishtiyoq bilan kitoblar tanlab o'qidilar.

Dunyo bo`yicha eng sevib o`qiladigan asarlar ro`yxati

Dunyo bo`yicha eng sevib o`qiladigan asarlar ro`yxati

Bugun kunda dunyoda jajji bolakaydan tortib ulug' yoshga borib qolgan keksa kitobxonlar ham sehrgar bolakay haqidagi asarni eng ko`p o`qishmoqda, deb yozadi colady.ru ayollar onlayn-jurnali.

 Quyida sizni dunyoda eng ko`p o`qiladigan kitoblar ro`yxati bilan tanishtiramiz:

Garri Potter – muallif: Joanna Rouling

Uzuklar hukmdori – muallif: Jon Tolkien

Kichkina shahzoda – muallif: Antuan de Sent-Ekzyuperi

Da Vinchi siri – muallif: Den Braun

Alkimyogar – muallif: Paulo Koelo

Yashil yo`lak – muallif: Stiven King

Shamollarda qolgan hislarim – muallif: Margaret Mitchell

Usta va Margarita – muallif: Mixail Bulgakov

Uch og`ayni – muallif: Erix Mariya Remark

Dorian Grey portreti – muallif: Oskar Uayld

Anna Frankning kundaligi – muallif: Anna Frank

Jarliklabi javdarzordagi haloskor – muallif: Jeerom Devid Selindjer

Andisha va g`urur – muallif: Jeyn Ostin

Buyuk Getsbi – muallif: Frensis Skott Fisjerald

Alisa mo`jizalar mamlakatida – muallif: Lyuis Keroll

Последние поступления
Реклама 1
Реклама 2
Реклама 3
Заведения
Баннер реклама 1
Баннер реклама 2