Режим отображения
A A A
Размер текста
A- A A+
Экранный диктор
Включить / Отключить
Войти
Информационно - библиотечный центр «Bilim» города Ташкента
Баннеры в шапке сайта 2
Баннеры в шапке сайта 3
Баннеры в шапке сайта 4
Баннеры в шапке сайта 1

O'zbekistonda 1 noyabrdan eng kam oylik ish haqi miqdori oshiriladi

O'zbekistonda 1 noyabrdan eng kam oylik ish haqi miqdori oshiriladi

2018 yilning 1 noyabridan boshlab byudjyet tashkilotlari xodimlarining ish haqi, pensiyalar, stipendiyalar hamda nafaqalar miqdori 1,1 baravar oshiriladi. Bugun O'zbekiston Respublikasi Prezidenti Shavkat Mirziyoyevning shu haqdagi tegishli farmoni e`lon qilindi.

Farmonga muvofiq, 1 noyabrdan e`tiboran O'zbekiston Respublikasi hududida eng kam:

ish haqi — oyiga 202 730 so'm;

yoshga doir pensiyalar — oyiga 396 500 so'm;

bolalikdan nogironlarga beriladigan nafaqa — oyiga 396 500 so'm;

zarur ish stajiga ega bo'lmagan keksa yoshdagi va mehnatga layoqatsiz fuqarolarga beriladigan nafaqa oyiga 243 300 so'm miqdorida belgilandi.

Ish haqi hamda pensiyalarga qo'shilgan ustama va qo'shimcha haqlarning barcha turlari, eng kam ish haqiga nisbatan belgilangan kompensatsiya va boshqa to'lovlar 2018 yilning 1 noyabridan boshlab mazkur Farmonda belgilangan eng kam ish haqi miqdoridan kelib chiqqan holda amalga oshiriladi.

Eslatib o'tamiz, O'zbekistonda ish haqi, pensiyalar, stipendiyalar va nafaqalar miqdori so'nggi marta shu yilning 15 iyulidan o'rta hisobda 1,07 baravar oshirilgan edi.

Badiiy adabiyot – ziyo izlagan qalblarga qanot!

Badiiy adabiyot – ziyo izlagan qalblarga qanot!

2018 yil 12 oktyabr kuni 182-sonli maktabda Toshkent shahar «Bilim» axborot-kutubxona markazi hodimlari tomonidan maktab o’quvchilari uchun ko’chma-kutubxana uyushtirildi. Bunda, Chingiz Aytmatov tavalludining 90 yilligiga bag'ishlab “XX asr qirg’iz adabiyotining eng istedodli namoyondalaridan biri Chingiz Aytmatov (1928-2008)” hamda Badiiy adabiyot – ziyo izlagan qalblarga qanot!” nomli kitoblar ko’rgazmasi tashkil etildi. Ko’rgazmadan o’rin olgan bolalar badiiy adabiyoti, ertak kitoblar hamda yozuvchi Chingiz Aytmatovning asarlariga bibliografik sharx berildi. Nafaqat o’quvchilarni, ularning ota-onalari va maktabning o’qituvchilarida ham badiiy adabiyotlarga nisbattan mutoola qilish istagi tug`ildi.

AKM mutaxassislari «Bilim» kutubxanasiga a’zo bo’lish istagini bildirgan kitobxonlarni a’zo qilib, mutolaa qilishlari uchun qiziqqan kitoblarni uyga berildi. Tadbir so’ngida ko’rgazma ishtirokchilariga Chingiz Aytmatovning asarlarini yoshlar orasida targ’ib qilish maqsadida eslatmalar va bukletlar tarqatildi.

Yoshlar kelajagimiz

Yoshlar kelajagimiz

2018 yil 11 oktyabr kuni Toshkent shahar «Bilim» axborot-kutubxona markazi va 178-umumta’lim maktabi bilan hamkorlikda “Qizlar o’rtasidagi erta turmush va erta tug’ruq holatlarini bartaraf etishning dolzarb masalalari” mavzusida seminar bo’lib o’tdi. Bunda  «Bilim» AKM foydalanuvchilarga xizmat ko’rsatish bo’limi mutaxassislari tomonidan “Yosh onalar burchagi” nomli kitob ko’rgazmasi tashkil etildi va bibliografik obzor otkazildi. Seminarda O’zbekiston XDP Chilonzor tumani kengashi raisi D.Artikova, 187- umumta’lim maktabi direktori N.Yunusmuxamedovalar ishtirok etdilar. “O’zbekiston Respublikasi qonunchiligida nikoh masalalari hamda tomonlarning huquq va majburiyatlari” boyicha Chilonzor tumani FHDYo bo’limi mudiri S.Eshmatova nutq so’zladi. Toshkent shahar 7-sonli tug’ruq xona ginekologi U.Abdullaeva “Erta tug’ruq holatlarining reproduktiv salomatlikka ta’siri va salbiy oqibatlari” mavzusida ma`ruza qildi.  O’zbekiston XDP Toshkent shahar kengashi sektor mudiri N.Gafurova sodir etilayotgan salbiy holatlarda qizlarning ishtiroki va bartaraf etishdagi o’rni haqida gapirdi. Seminar yakunida qizlarni qiynayotgan muammolar va takliflar boyicha oshkora mushoxada etib ozaro fikr almashildi. Tadbirda 65 nafardan ziyod yuqori sinf qizlari o’zlarini qiziqtirgan savollari bilan faol qatnashdilar.

Aholining siyosiy savodxonligini oshirish davr talabidir.

Aholining siyosiy savodxonligini oshirish davr talabidir.

2018 yil 10 oktyabr kuni “Taraqqiyot strategiyasi” markazining majlislar zalida “Bilim” axborot-kutubxona markazi O’zbekiston XDP Markaziy kengashi bilan xamkorlikda “Siyosiy partiyalar faoliyatida saylov texnologiyalarini amaliyotda qo’llash shakl va uslublari” mavzusida siyosiy-ma’rifiy o’quv mashg`uloti bo’lib o’tdi. Tadbirni O’zbekiston XDP Markaziy kengashi raisi o’rinbosari vazifasini bajaruvchi M.Darxonov “Saylov jarayonlari: siyosiy texnologiyalarini qo’llash hamda mahoratini oshirish yo’llari” mavzusida nutq so’lab tadbirni ochib berdi. Siyosiy partiyalar faoliyatida saylov texnologiyalarini amaliyotda qo’llash shakl va uslublari haqida, Mirzo Ulug’bek nomidagi O’zbekiston Milliy universiteti s.f.d. A.Abduxalilov nutq so`zladi. “Bilim” Axborot-kutubxona markazi direktori H.Karimova axolini siyosiy savodxonligini oshirishga alohida e'tibor qaratdi va “Saylov oldi jarayonlarida targ’ibot texnologiyalarini qo’llash” mavzusida ma`ruza qildi.

Tadbirga siyosiy partiya faollari, fuqarolar, keng kitobxonlar ommasi va ommaviy axborot vositalari vakillari ishtirok etdilar.

Bilim va maʼnaviyat bayramiga aylanuvchi haftalik

Bilim va maʼnaviyat bayramiga aylanuvchi haftalik

Bilim va maʼnaviyat bayramiga aylanuvchi haftalik Joriy yilning 15-20 oktyabr kunlari Alisher Navoiy nomidagi Oʻzbekiston Milliy kutubxonasida “Infolib Uzbekistan“ VII Milliy axborot-kutubxona haftaligi boʻlib oʻtadi.

Mazkur maʼrifiy haftalik yosh avlodning kitobxonlik madaniyatini yuksaltirish, axborot-kutubxona foydalanuvchilariga xizmat koʻrsatish imkoniyatlarini yanada takomillashtirish kabi maqsadlarni koʻzlashi bilan ahamiyatlidir.

Haftalik Oʻzbekiston Milliy kutubxonasi tomonidan Matbuot va axborot agentligi, Oliy va oʻrta maxsus taʼlim, Xalq taʼlimi, Madaniyat, Sogʻliqni saqlash vazirliklari, Fanlar akademiyasi va boshqa tashkilotlar bilan birgalikda tashkil etilmoqda.

“Infolib Uzbekistan“ VII Milliy axborot-kutubxona haftaligi ellikka yaqin rang-barang va qiziqarli, yoshlarning oʻqishga boʻlgan intilishini kuchaytiruvchi tadbirlarni qamrab oladi. “Betgerxonlik –2018. Milliy kutubxona va axborot-kutubxona markazlari birlashuvi – axborot-kutubxona sohasi rivojiga qoʻyilgan muhim qadam“ mavzusidagi anjuman, “Kitob va kitobxonlik – inson maʼnaviyati koʻzgusi“ seminari, “Axborot-kutubxona muassasasining eng yaxshi mutaxassisi“ ijodiy tanlovi soha mutaxassislari bilimini boyitishga xizmat qiladi.

Shu bilan birga milliy hunarmandchilik turlari boʻyicha mahorat darslari, “Kitobxon ona – kitobxon bola“, “Oʻzbekiston boʻylab sayohat qilamiz!“ mavzusidagi ijodiy tanlovlar tashkil etilishi koʻzda tutilgan.

Bu yilgi maʼrifiy haftalikda yurtimizdagi onlayn jurnallarning taqdimoti, yapon, ingliz, xitoy, italyan tillariga oid viktorina va tanlovlar, testlar, taqdimotlar, xorijiy elektron bazalardan foydalanish boʻyicha seminarlar, yangi kitoblar koʻrgazmalari, “Turon“ axborot-kutubxona markazi tashkil etilganining 100 yilligiga bagʻishlangan maʼrifiy tadbir, “Kitob ziyosidan yaralgan ilm“ kabi taqdimotlar, nashriyotlar faoliyati bilan tanishtiruvchi tadbirlar oʻrin olgan.

Shuningdek, AQSH Kongressi kutubxonasi bilan birgalikdagi kutubxona fondlarini raqamlashtirish va saqlashga oid videokonferensiya, Buyuk Britaniya taʼlim tizimi va magistrantlar uchun “Chevening“ xalqaro dasturi, “IELTS imtihoni va uning imtiyozlari haqida maʼlumotga ega boʻl“ mavzusidagi tadbirlar yoshlarda qiziqish uygʻotishi shubhasiz.

Kitobxonlik targʻibotiga oid ushbu haftalik maʼnaviyat va maʼrifat, bilimlar bayramiga aylanib ketadi.

Toshkentda xalqaro televizion festival bo‘lib o`tmoqda

Toshkentda xalqaro televizion festival bo‘lib o`tmoqda

2018 yilning 4—6-oktabr kunlari O‘zbekiston milliy teleradiokompaniyasi, Rossiya televideniyasi akademiyasi fondi va O‘zbekiston elektron ommaviy axborot vositalari milliy assotsiatsiyasi hamkorligida O‘zbekiston-Rossiya media forumi hamda “TEFI-Sodrujestvo (TEFI-Hamdo‘stlik)” 8-xalqaro televizion festivali bo‘lib o‘tmoqda. 

Forumning OAV sohasida hamkorlik qismi O‘zbekiston tarixi, madaniyati va uning turizm salohiyatidan Rossiya jamoatchiligi xabardorligini kengaytirish, mamlakat televideniye va radioeshittirish sohasi mutaxassislarining malakasini oshirish, shuningdek, turli janrdagi teleradio loyihalarni, xususan, axborot-tahliliy dasturlarni tayyorlash borasida yetakchi rus teleradiokompaniyalari tajribasini o‘rganish  kabi masalalarni qamrab oladi. Bu jarayonda o‘zbekistonlik va rossiyalik tele va radio ijodkorlar bir-birlari bilan o‘zaro tajriba almashish imkoniyatiga ham ega bo‘ladi.

Axborot agentliklari o‘rtasidaga hamkorlik qismida, O‘zbekiston Respublikasi va Rossiya Federatsiyasi axborot agentliklarining tezkor xabarlar almashinuvi borasida hamkorlik qilish, internet axborot resurslarini yanada rivojlantirish, ijtimoiy tarmoqlarning jamiyat hayotiga ta’sirini o‘rganish tendensiyalari muhokama qilinadi.

Forumning axborot texnologiyalari sohasida hamkorlik qismida esa, AKT texnologiyalari parklarini yaratish va rivojlantirish bo‘yicha tajriba almashish, axborot texnologiyalari va kommunikatsiyalar sohasida kadrlar malakasini oshirish hamda milliy internet resurslarini rivojlantirish bo‘yicha hamkorlikni yo‘lga qo‘yish masalalari qamrab olinadi.

“TEFI Hamdo‘stlik” xalqaro televizion festivali esa “Rossiya televideniye akademiyasi” jamg‘armasi tomonidan bir necha yildan buyon Mustaqil Davlatlar Hamdo‘stligi va yaqin xorijdagi televideniye ijodkorlari o‘rtasida o‘tkazib kelinadi.

Xalqaro televizion festivalga 2011-yilda asos solingan bo‘lib, u ilk kunlardanoq MDHga a‘zo mamlakatlar gumanitar hamkorligi jamg‘armasi va Rossiya matbuot va ommaviy kommunikatsiyalar federal agentligi tomonidan rag‘batlantirilib kelinmoqda.

Hamdo‘stlik mamlakatlarida yagona axborot makonini shakllantirishni maqsad qilgan festivalga har yili MDHning biror mamlakati mezbonlik qiladi. Festival mavzulari ham xilma-xil. “TEFI Hamdo‘stlik” doirasida ekspertlar kengashi tuziladi, sohaning tajribali mutaxassislari ishtirokida mahorat darslari, zamonaviy televideniyening dolzarb muammolariga bag‘ishlangan munozaralar, televizon ijodiy ishlar muhokamalari, ochiq suhbatlar o‘tkaziladi. Festival yakunida g‘oliblarga maxsus mukofotlar topshiriladi.

«Bolalar kitobi» ko`rgazmasi

«Bolalar kitobi»  ko`rgazmasi

Bugun yoshlarning kitob o`qishga bo`lgan qiziqishlarini yuksaltirish maqsadida keng ko`lamli ishlar amalga oshirilmoqda. Bu borada Prezidentimizning «Kitob mahsulotlarini nashr  etish va tarqatish tizimini rivojlantirish, kitob mutolaasi va kitobxonlik madaniyatini oshirish hamda targ`ib qilish bo`yicha kompleks chora-tadbirlar dasturi to`g`risidagi»gi  PQ-3271- sonli qarori dasturi amalda qo'llanilmoqda. 2018 йил  25 sentyabr kuni «Bilim» axborot-kutubxona markazida   1 oktyabr – O‘qituvchi va murabbiylar kuniga bag‘ishlangan «Sog‘lom va ma’naviy yetuk avlod – yurt kelajagi!» shiori ostida  «Bolalar kitobi» ko`rgazmasi ochildi. Bolalar  o‘rtasida kitob mutolaasini targ‘ib etish va kitobxonlik madaniyatini shakllantirish, hamda ularni mamlakatimizda faoliyat yuritayotgan kutubxonalar va bolalar nashriyotlari bilan yaqindan tanishtirish maqsadida tashkil etilgan kitob ko`rgazmasida yozuvchi va shoirlar, Toshkent pedagogika kolleji o`quvchilari, 182 va 184 maktab o`quvchilari, AKMning faol kitobxonlari ishtirok etdi. O`zbekiston Matbuot va axborot agentligi Toshkent shahar hududiy boshqarmasi  va «Bilim» AKM  hamkorligida o`tkazilgan kitob ko`rgazmasini AKM direktori H. Karimova ochib berdi. Kitob o`qish inson uchun muvaffaqiyat va saodat eshiklarini ochuvchi kalitdir. Yurtimiz kelajagi yoshlarnig yuksak salohiyatli bo`lib yetishishida o`z hissasini  qo`shish har bir ma`naviyatli insonning burchidir, - deydi Toshkent shahar hududiy boshqarmasi boshlig`i Sh. O`rinov. Tadbirda «Kitob – insonning qalb gavhari, tafakkur xazinasidur» mavzusida shoir va yozuvchilar bilan ijodiy uchrashuv bo`lib o`tdi. Inson tafakkurini takomillashuvida kitoblarning o`rni beqiyosdir, kitob insonni doimo ezgulikka, komillika yetaklaydi va mening eng yaqin do`stim kitob, - deya ta`kidladi o`z nutqida O`zbekiston yozuvchilar uyushmasi a`zosi, "Tong yulduzi" gazetasi bo`lim mudiri bolalar shoiri Axtamquli. Yozuvchi Akbar Mirzo va shoir Axtamquli o`z ijod namunalaridan ko`rgazma ishtirokchilarini bahramand  etdilar. O`quvchilar ko`rgazmadan o`rin olgan o`zbek va jahon bolalar  adabiyotiga oid kitoblar bilan birma-bir tanishib chiqdilar.  «Bolalar kitobi»  ko`rgazmasi 26 sentyabr kuni ham davom etadi.

Kitobim - oftobim

Kitobim - oftobim

Sizni, 25-26- Sentyabr 2018 yil, O`zbekiston Matbuot va axborot agentligi Toshkent shahar hududiy boshqarmasi va Bilimaxborot kutubxona markazi hamkorligida o`tkaziladigan BOLALAR KITOBIRespublika kitob ko`rgazmasi doirasida KITOBIM OFTOBIMmavzusida uchrashuvga taklif etamiz.

Qatag`on qurbonlari- Vatan fidoyilari

Qatag`on qurbonlari- Vatan fidoyilari

Mamlakatimizda istiqlol yillarida tarixiy haqiqatni qaror toptirish, xususan Vatanimiz ozodligi va erkinligi yo`lida qurbon bo`lgan xalqimizning suyukli farzandlari nomini tiklash, ularning hayoti va faoliyatini o`rganish, targ`ib etish maqsadida keng qamrovli ishlar olib borilmoqda. Jumladan, 2018 yil 19 sentyabr kuni “Bilim” аxborot-kutubxona markazida qatag`on qurbonlarini yod etish va mustaqilligimizning 27 yilligiga bag`ishlangan “Qatag`on qurbonlari - Vatan fidoyilari” nomli manaviy-marifiy tadbir bo`lib o`tdi. Tadbirda Navbahor MFY maslahatchilari, mahalla faollari, Milliy gvardiya tasarrufidagi Respublika ixtisoslashtirilgan musiqa va san`at akademik litsey o`qituvchilari, hamda o`quvchilari va kitobxonlar ishtirok etdi. O`zbekiston o`z davlat mustaqilligini qo`lga kiritishi bilan mamlakatimizda tarixiy haqiqat va adolatni tiklash, ijtimoiy-siyosiy hayotda sobiq sovet mafkurasi va uning g`oyaviy qoliplaridan xalos bo`lish,boy tariximizni haqqoniy hamda xolisona yoritish imkoniyati tug`ildi deya, so`zga chiqdi Navbahor MFY xodimi Umarqulova Ra`no. Tadbir davomida RIMSAL o`quvchilari o`z chiqishlarini ishtirokchilarga birin ketin xavola etdilar.   Shuningdek tadbirda AKM xodimlari tomonidan tayyorlangan “Mustaqillik oliy ne`mat ” nomli videorolik va “Qatag`onlar tarixi shahidlar xotirasi” mavzusidagi multimediya namoyishi hammaga manzur bo`ldi. Tadbir so’ngida “Yodda doim saqlaylik” nomli mavzuli ko’rgazma bo’yicha bibliografik obzor o’tkazildi. Unda A. Qodiriy, U. Nosir, Cho’lpon va boshqa qatag’on qurbonlarining asarlari va ular haqida ma’lumotlar berildi. Faol ishtirok etgan o`quvchilarga AKM tomonidan esdalik sovg`alar taqdim etildi.

TATUda Belarus davlat universiteti bilan hamkorlikda qoʻshma fakultet ochiladi

TATUda Belarus davlat universiteti bilan hamkorlikda qoʻshma fakultet ochiladi

Belarus davlat informatika va radioelektronika universiteti (BDIRU) va Muhammad al-Xorazmiy nomidagi Toshkent axborot texnologiyalari universiteti oʻrtasida Axborot texnologiyalari boʻyicha qoʻshma fakultet tashkil etish boʻyicha shartnoma imzolandi.

Shartnomaga koʻra, 2019-2020-oʻquv yilidan boshlab Axborot texnologiyalari boʻyicha hamkorlikda yuqori malakali kadrlar tayyorlash maqsadida qoʻshma fakultetga quyidagi yoʻnalishlar boʻyicha abituriyentlar qabul qilinadi:

- axborot texnologiyalarining dasturiy taʼminoti;

- mobil tizimlarini dasturlash;

- sunʼiy intellekt.

Hamkorlikda tashkil etiladigan qoʻshma fakultetda talabalar 1-2-bosqichlarda TATUda tahsil oladi, 3- va 4-bosqichlarda esa oʻqishni BDIRUda davom ettiradi. Fakultetni muvaffaqiyatli yakunlagan talabalarga ikki tomonlama diplom beriladi.

Qoʻshma fakultetda oʻqish rus tilida olib borilishi rejalashtirilgan boʻlib, joriy yilning noyabr oyidan universitet huzurida rus tili, matematika, fizika, informatika asoslari va ingliz tili fanlaridan tayyorlov kurslari tashkil etilishi koʻzda tutilgan.

Последние поступления
Реклама 1
Реклама 2
Реклама 3
Заведения
Баннер реклама 1
Баннер реклама 2